Mezvarmaj herbejoj, savanoj kaj arbedaroj

La mezvarmaj herbejoj, savanoj kaj arbedaroj, laŭ la tipologio de la Monda Natur-Fonduso (WWF), estas tersupraĵa biomo kies superreganta vegetaĵaro konsistas el poacoj kaj/aŭ arbedoj. Ili troviĝas kie la klimato estas modera kaj duonarida ĝis kvazaŭhumida.

• Temperaturo : varma ĝis varmega sezono (ofte kun malvarma aŭ frosta sezono vintre);
• Grundo: fekunda kaj nutraĵ-riĉa;
• Plantoj: poacoj, arboj aŭ arbedoj en savano kaj arbedaro;
• Bestoj: grandaj, paŝtiĝantaj mamuloj; birdoj;

Stepoj/malalt-gresaj prerioj estas malalt-gresaj herbejoj kiuj troviĝas en duonaridaj klimatoj. Alt-gresaj prerioj estas alt-gresaj herbejoj en areoj kun pli alta precipitaĵo. Erikejoj kaj paŝtejoj estas, respektive, arbustetaroj kaj herbejoj kie arbara kreskado estas malhelpata hom-agade, ne klimate.

Altaj herbejoj, inkluzive de la alt-gresa prerio de Nordameriko kaj de la humida pampo de Argentino, havas moderan precipitaĵon kaj riĉajn grundojn kiuj igas ilin ideale taŭge por malintensiva agrikulturo, kaj alt-gresaj ekoregionoj inkluzivas iujn el la plej produktivaj greno-kultivaj regionoj en la mondo.

Savanoj estas areoj kie troviĝas kaj gresoj kaj arboj, sed la arboj ne formas kanopeon kiel en arbaro.